أصل القضية

هذه قصيدة لشاعر سوداني فحل، رأيت أنها تقرأ واقع اليوم بشفافية مع العلم أنه كتبها في سبعينات القرن الماضي فما أشبه الليلة بالبارحة مع سوء الليلة أكثر من بالبارحة.

أصل القضية

ما عايز أعيد .. ما نحن فاهمين القضية

لو كان زمان غنيت عشان خاطر صبية

الليلة طوّعت الحروف خليتها تعشق بندقية

قسماً بسكان القطاطي المشتهين نومة العشية

قسماً بأرواح الضحايا الماتو مننا ما شوية

حقنا الضاع من زمن ... بنجيبو لو عزّ الثمن .. ما دمنا فاهمين القضية

وعرفنا نعشق بندقية .. بنقدم الأرواح هدية

رجعوا التاريخ شوية .. سنين وراء في عمر الزمن

قايلين ترابنا بهون علينا ... نديهو بجرة قلم؟؟

دخلتوا قلتو الرعب فينا ورضينا بحكم الزمن !!

قسماً بطلقة بندقية .. بنرجع الضاع مننا ... بي ضربة واحدة أكيد قوية

وحبل عمركم لو طويل ... يمكن يكون باكر عشية

ما دمنا فاهمين القضية ... وعرفنا نعشق بندقية

فهل أنتم مستعدون كما يقول الشاعر؟ (العوج راي والعديل راي)

كباشي النور الصافي

زر مدونتي  من فضلك واشترك فيها

http://kabbashielsafi.blogspot.co.uk