سؤعالات تعسفيه للحيكومة؟

سؤعالات تعسفيه للحيكومة؟

1-    صحي ناس اثيوبيا شالوا مليون فدان من أخصب الاراضي الزراعية بولاية القضارف؟

2-    وهل صحيح قتلوا 16 مزارعاً بواسطة الشفتة الحبشية؟

3-    وهل صحيح أن المزارعين السودانيين قتلوا 8 إثيوبيين ؟

4-    وهل صحيح أن وفد تعزية رسمي ذهب الحبشة ودفع لهم 9 الف دولار دية كل حبشي هلك؟

5-    وهل صحيح أن ناس حلايب وشلاتين وأبو رماد عندهم بطاقات شخصية مصرية؟

6-    وهل صحيح أن ناس دولة الجنوب يطالبون ب5 مناطق في الحدود مع السودان؟

7-    وهل ستعطون مصر مليون فدان من أرض الجزيرة لزراعتها؟

8-    وهل هنالك شيخ عربي مُنح مليون فدان لاستصلاحها؟

9-    الفدادين بالملايين دي بالقديم ولا الجديد ؟؟؟ ههههههه

10-                        هل صحيح القوات المسلحة تضرب السكان في جبال النوبة بالبراميل المفخخة؟

11-                        هل صحيح أرسلتم جنداً للحرب في اليمن؟ بلد أهلها ما قادرين يحموها تحموها ليهم لشنو؟

12-                        هل صحيح ستكملون الطريق الدائري بالجبال الشرقية يا ناس الحيكومة ولا دا حلم لن يتحقق أبداً؟

13-                        حياة الماحي من فضلك سؤال: جرادل البوهية دي دفنوها ليش؟ لو أدوها للمساكين كان شالوا فيها موية. بمناسبة قول السيدة رئيس لجنة الطاقة بالبرلمان أن الحاويات المدفونة في الشمالية بها جرادل بوهية وليس نفايات ذرية. صدقناك يا كاذبة.

14-                        صحي تراجي رجعت السودان بعد زيارة اسرائيل؟ يعني ممكن أزور اسرائيل واسافر السودان بنفس الجواز؟ ما فوقا حاجة؟

15-                        المرا ديك نسيت اسمها راجلها قتلوه في اديس أبابا وولدها بتاجر ويتعاطى المخدرات وهي ما زالت وزيرة.. أمورنا ماشة بالخلف ولكنه السودان ..

كباشي النور الصافي

زر مدونتي  من فضلك واشترك فيها

http://kabbashielsafi.blogspot.co.uk